恋上儿子学校的老师（07-08）完 (第2/6页)

你响学校都係叫番我做陈老师会比较好啲!」

    「哦…，陈…老师，我想问…其实我同妳…」Eliane有啲顾左盼右咁讲，「吴生，我地响学校不如唔好再倾谈呢啲事吖，又或者，我地就将果晚发生事忘记左佢就算嘞，好唔好呀?」

    我有啲唔服气，「陈老师，我想知道究竟会係啲咩原因!」Eliane同我讲，「其实係唔关你事，呢啲都只係我问题咁啫!」我再问住佢，「Eliane……」但Eliane好快就再同我讲，「吴生我有啲事要走先嘞!」Eliane讲完，跟住见佢就响我身边拂袖而去。

    我呆左响度，而我就正不断猜测Eliane个心入面到底係谂紧啲咩咁?

    几日之后，学校有几日假期，我mama带左志仔番乡下度探亲兼同佢响上面玩番几日，难得有几日可以独处，我本应该觉得轻鬆同愉快至啱，但事实刚好相反，我而家每一刻都係咁不断惦挂住Eliane，我谂紧点解佢而家突然好似当左我係陌路人咁看待。

    下昼时份，我带完个客去旺角睇完楼之后，客人同我握住手黎讲，「吴生，麻烦哂你，迟啲我想约埋啲家人再上去呢个单位度睇多一次!」同客人挥手道别过之后，我正想行去取车驾车番公司时候，咦，前面商业大厦门口好似有啲事发生咁。

    我见有个女仔正坐左响大厦门口比几个男女包围住，有啲师奶好似又取住啲药油比个女仔搽住咁，但我再望真啲，果个正面青口唇白女仔咪就好似係……Eliane黎。